«Ембімұнайгаз» АҚ-на – 100 жыл

Құрылғанына 30 жылға жуық уақыт өткен басқарма бүгінде үлкен белестерді бағындырып үлгерді.

ЕМГ Басқарма төрағасы Есен Қайыржан мұнайшылар мен ардагерлерді құттықтап, үздік жұмысшыларды марапаттады.

ҚР Энергетика министрлігінің «Мұнай-газ саласының еңбек сіңірген қызметкері» төсбелгісімен өндірісті жедел басқару қызметінің жетекшісі Жанболат Мединеев, ҚР Энергетика министрлігінің Құрмет грамотасымен «Кенбай» мұнай-газ өндіру цехының қабат қысымын ұстау операторы Темір Башар, ҚР Энергетика министрлігінің Құрмет грамотасымен «Жоламанов» мұнай және газ өндіру бөлімшесінің қабат қысымын ұстау операторы Нұрлан Денмент, ЕМГ Алғыс хатымен басқарма бастығының геология және игеру жөніндегі орынбасары Тілек Қажым, Құрмет грамотасымен жылугазсумен қамтамасыз ету бөлімшесінің жылу қазандығының операторы Исабержан Құспантаев марапатталды.

Компанияның еңбек адамына деген құрметіндей ең елеулі марапаты – 5 миллион теңгелік сертификат «Еңбек озаты» бағалы сыйлығымен ұңғыларды жерасты жөндеу операторы Аманбай Нұрғалиевке табысталды.

Сонымен қатар, ардагерлер мен бірқатар жұмысшыларға, басқарманың бұрынғы басшыларына «Ембімұнайгаз» АҚ-на 100 жыл» мерекелік медалі тағылды.